Qazaqstandyq túlek AQSh Memlekettik departamentiniń qurmetti nagradasymen marapattaldy

Búgin elordadaǵy Ulttyq akademııalyq kitaphanada elimizdegi AQSh Elshiliginiń Ýaqytsha senimdi ókili Djon Ordveı 2005-2007 jyldary Edmýnd Maskı baǵdarlamasyn bitirgen Samat Panovqa «Aı túlegi» nagradasyn tabys etti.

«Bul nagrada Qaýymdastyq, klýb úshin jáne de tolyqtaı alǵanda Qazaqstan úshin de mártebeli. Sońǵy birneshe jylda birde-bir túlek, qazaqstandyq azamat bul nagradaǵa ıe bolǵan joq», - dedi ol.

Samat Panov 2005-2007 jyldary Edmýnd Maskı baǵdarlamasyn bitirgen. Aǵylshyn jáne qazaq tilderinde kóshbasshylyq, sheshendik daǵdylardy úıretetin Ortalyq Azııadaǵy birinshi Tostmasterler klýbynyń negizin qalaǵan. Qazirgi ýaqytta Astanalyq túlekter qaýymdastyǵyn basqarady.