Qazaqstandyq tórt boksshy Ishtvan Boskaı memorıalynyń fınalyna shyqty (FOTO)
ASTANA. QazAqparat - Vengrııanyń Debretsen qalasynda bokstan Ishtvan Boskaıdy eske túsirýge arnalǵan týrnır ótýde - bul 1956 jyly alǵash ret uıymdastyrylyp, Eýropadaǵy baıyrǵy eń bedeldi qurlyqtyq jarystardyń birine aınaldy.
Týrnırge 29 elden 168 boksshy qatysýda, olardyń arasynda eki álem chempıony jáne jeti Eýropa chempıony bar.
Qazaqstandyq komanda favorıtterdiń biri; shırek fınal satysynda bizdiń bir ǵana boksshymyz - Ábilhan Amanqul (75) ǵana oıynnan shyǵyp qaldy.
5 aqpanda jartylaı fınaldyq saıystarda Aıqynbaı Shalqar (49) túrik sportshysy Ostúrik Tolgahandy, Іlııas Súleımenov (52) vengr Nandor Chokty jeńdi, al Abylaıhan Júsipov (64) kanadalyq Movladın Bıarslanovtan basym tústi. Tórtinshi bolyp fınalǵa Álı Ahmedov (81) shyqty - ol Grýzııadan Kızırııa ıAngony 3:0 esebimen utty. Bul týraly Qazaqstandyq boks federatsııasy habarlady.
Sóıtip Qazaqstan kúshti komandalar qatarynan oryn alyp, tórt medalǵa úmitker bolyp otyr, endi medaldardyń altyn ne kúmis bolary 7 aqpanda ótetin fınaldan keıin anyqtalady.
