Qazaqstandyq tóreshiler ÝEFA CORE kýrsynan ótti
ASTANA. QazAqparat - ÝEFA-nyń jas tóreshilerge arnalǵan kýrsy (SORE) jyl saıyn Non (Shveıtsarııa) qalasyndaǵy shtab-páterinde eki kezeń boıynsha ótkiziledi. Bıyl bul kýrs 28-shi ret uıymdastyryldy. Oǵan Qazaqstannan Premer-lıga men Birinshi lıganyń bas tóreshisi Danııar Sahı (Qyzylorda), tóreshilerdiń kómekshileri ıÝrıı Tıhonıýk (Aqtóbe) jáne Sergeı Kalachev (Atyraý) qatysty. Bul týraly Qazaqstannyń Fýtbol federatsııasy baspasóz qyzmetinen habarlandy.
«Qazaqstandyq tóreshiler ÝEFA-nyń tóreshilik salasyndaǵy úzdik fıtnes-nusqaýshylary jáne mamandarynyń jetekshiligimen Shveıtsarııa fýtbol federatsııasy jáne Frantsııa fýtbol federatsııasy aıasyndaǵy týrnırlerde daıyndyqtan ótti. Ekinshi kezeńniń sońynda fıtnes-normatıvter men aǵylshyn tilinen emtıhandar tapsyrdy», - delingen baspasóz baıanynda.
Aıta keterligi, Tórelik etý jáne qadaǵalaý departamenti kýrs aıaqtalǵannan keıin bas nusqaýshy Devıd Ellereıdiń qoly qoıylǵan ÝEFA-nyń resmı hatyn alǵan. «Sizdiń tóreshilerińiz - Danııar Sahı, ıÝrıı Tıhonıýk jáne Sergeı Kalachevtiń daıyndyq deńgeıi joǵary ekenine tańǵalǵanymyzdy jetkizgim keledi. Olar kýrs boıy úzdik nátıje kórsetip, salmaqty jumys atqardy. Danııar, ıÝrıı jáne Sergeı ári qaraı osy baǵytta alǵa jyljıdy dep úmittenemiz. Al, biz óz tarapymyzdan olardyń jetistikterin baqylaıtyn bolamyz», - delingen ÝEFA hatynda.
