Qazaqstandyq tóreshi ÝEFA Aımaqtyq kýbogynyń fınaldyq týrnırinde qazylyq etedi - QFF
ASTANA. QazAqparat - 26 maýsym men 4 shilde aralyǵynda Irlandııa astanasy Dýblın qalasynda ÝEFA Aımaqtyq kýbogynyń fınaldyq týrnıri ótedi. Aıtýly týrnırdegi oıyndarǵa qazylyq etýge shaqyrylǵan tóreshilerdiń biri - FIFA tóreshisiniń kómekshisi, qazaqstandyq Sanjar Ysqaqov. Bul týraly Qazaqstan Fýtbol federatsııasynyń baspasóz qyzmetinen habarlandy.
29 jastaǵy qostanaılyq tóreshiniń ÝEFA aıasynda jumys tájirıbesi barshylyq. Ol Eýropa Lıgasynyń irikteý týrnırinde «Zestafonı» (Grýzııa) - «Spartak» (Slovakııa), «Voıvodına» (Serbııa) - «Rapıd» (Avstrııa) matchtarynda qyzmet etken bolatyn. Serbııa (2011) men Nıderland (2013) elinde ótken 17 jasqa deıingi jasóspirimder quramasy arasyndaǵy Eýropa Chempıonatynyń irikteý týrnırinde tórelik etti. Sonymen qatar, jastar arasyndaǵy Eýropa Chempıonatynyń aıasyndaǵy San-Marıno - Grekııa irikteý matchynda jumys istedi.
Aıta ketý kerek, Sanjar Ysqaqov 2015 jyldyń 17-20 mamyr aralyǵynda ÝEFA-nyń FIFA tóreshileriniń kómekshilerine uıymdastarǵan biliktilikti arttyrý kýrsyna qatysyp, taǵylymdamadan ótken edi.
