Qazaqstandyq «Tomırıs» fılmi Mınsk kınofestıvalinde kórsetiledi
Sháken Aımanov atyndaǵy «Qazaqfılm» kınostýdııasy taratqan málimetke sensek, búgin halyqaralyq Mınsk kınofestıvaliniń ashylý saltanaty ótedi.
«Listapad» - Belarýstegi kıno salasynyń eń iri festıvalderiniń biri. Bıyl festıval 26 qarashaǵa deıin jalǵasady.
«Listapad» festıvaliniń konkýrstyq baǵdarlamasy tórt bólimnen turady: kórkem fılmder, derekti fılmder, ulttyq baıqaý jáne «Listapadzik» balalar men jasóspirimder aýdıtorııasyna arnalǵan fılmder baıqaýy.
Eske sala keteıik, biz buǵan deıin túrik telearnasy «Tomırıs» fılminiń jelisimen serıal túsiretinin jazǵan bolatynbyz.
Qazaqstan men Túrkııa «Qazaqfılm» kınostýdııasy Sataifilm kompanııasymen birlesip túsirgen, rejısser Aqan Sataevtyń «Tomırıs» fılminiń negizinde birlesken tarıhı serıal shyǵarady.
Jobany Túrkııanyń jetekshi telearnasy TRT teleradıokorporatsııasy júzege asyrmaq.
