Qazaqstandyq toǵyz shańǵyshy Týr de Skı týrnırine qatysady
NUR-SULTAN. QazAqparat – Ulttyq shańǵy sporty quramasy basshylyǵy 2019 jyldyń 28 jeltoqsany men 2020 jyldyń 5 qańtary arasynda bolatyn 14-shi Týr de Skı kópkúndigine qatysatyn sportshylar tizimin anyqtady, dep habarlaıdy QazAqparat Ulttyq shańǵy sporty federatsııasyna silteme jasap.
Áıelder quramasynda Valerııa Tıýleneva, Anna Shevchenko, Irına Bykova, Ksenııa Shalygına bar bolsa, erler tobynda Vıtalıı Pýhkalo, Denıs Volotka, Aset Dıýsenov, Naıl Bashmakov, Vladıslav Kovalev baq synaıdy.
«Bıyl bizdiń qurama aldyńǵy jyldarmen salystyrǵanda úlken qurammen barady. Árqaısysynyń aldynda jattyqtyrýshynyń tapsyrmasy, maqsat pen mindetter tur. Munda báseke joǵary, saıystar kúnde bolady, únemi kóship júrý kerek, aýa raıyna úırenisý kerek. Osy turǵydan sportshylarymyzǵa ońaı bolmasy anyq», - dedi Ulttyq quramanyń bas jattyqtyrýshysy Aleksandr Batıaıkın.
Jarys kestesi:
28.12.2019 – Lentserhaıde (Shveıtsarııa) – mass-start, erkin stıl stıl, 10/15 km
29.12.2019 – Lentserhaıde (Shveıtsarııa) – sprınt, erkin stıl
31.12.2019 – Toblah (Italııa) – jeke saıys, erkin stıl 10/15 km
01.01.2020 – Toblah (Italııa) – iz kesý saıysy, klassıkalyq stıl, 10/15 km
03.01.2020 – Val-dı-Femme (Italııa) – mass-start, klassıkalyq stıl, 10/15 km
04.01.2020 – Val-dı-Femme (Italııa) – sprınt, klassıkalyq stıl
05.01.2020 – Val-dı-Femme (Italııa) – «Taýdy baǵyndyrý», mass-start, erkin stıl
