Qazaqstandyq «Tırreno-Adrıatıko» kópkúndiginiń tórtinshi kezeńinde top jardy
ASTANA. QazAqparat - Qazaqstandyq veloshabandoz Alekseı Lýtsenko «Tırreno-Adrıatıko» dodasynyń tórtinshi kezeńinde úzdik atandy, dep habarlaıdy QazAqparat QR Ulttyq olımpıada komıtetine silteme jasap.
«Aıtýly sport básekesiniń tórtinshi kezeńinde veloshabandozdarǵa Folınodan Fossmobronege deıingi aralyqta 221 shaqyrymdy baǵyndyrý mejesi qoıyldy. A.Lýtsenko bul qashyqtyqty 5 saǵat 16 mınýtta meńgerip, júzden júırik shyqty», - dep jazylǵan komıtettiń Feısbýk paraqshasynda.
Habarlamada aıtylǵandaı, bizdiń sportshy márege sońǵy 20 shaqyrym qalǵanda eki ret qulap qalǵanyna qaramastan, jeńimpaz atandy. Márege ekinshi bolyp slavenııalyq Prımoj Roglıch kelse, úshinshi bolyp ulybrıtanııalyq Adam Ieıts jetti.
Al jalpy tórt kezeń boıynsha jerlesimiz 6 orynǵa turaqtady.
Aıta keteıik, atalǵan kópkúndik 19 naýryz kúni aıaqtalady.
