Qazaqstandyq Tımofeı Skatov Chılıdegi jarystyń jartylaı fınalyna shyqty

ASTANA. QazAqparat – Qazaqstannyń ekinshi, álemniń 144-raketasy Tımofeı Skatov Konsepson (Chılı) ATP Challenger Tour jarysynyń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda álemniń 102-inshi, týrnırdiń 2-raketkasy, chılılik Alehandro Tabılomen kezdesti.

Asa tartysty ótken matchta T.Skatov 6:4, 3:6, 7:5 esebimen jeńiske jetti. Eki saǵat 29 mınýtqa sozylǵan báseke barysynda ol 5 eıs jasap, 10 breık-poınttyń altaýyn paıdalandy. Qarsylasy 5 eıs, 5 breıkpen (6 breık-poınt) kózge tústi.

Petropavl qalasynyń túlegi fınalǵa shyǵý úshin álemniń 203-raketkasy, argentınalyq Fakýndo Dıas Akostamen talasady.

Eske sala keteıik, budan buryn Aýstralııa chempıonatynda Elena Rybakınanyń alǵash ret fınalǵa shyqqanyn jazǵan bolatynbyz.

Sondaı-aq qazaqstandyq tennısshi qyzdar Úndistandaǵy týrnırdiń fınalyna shyqty.

Foto – Qazaqstan tennıs federatsııasy