Qazaqstandyq tennısshilerdiń Ýımbldondaǵy qarsylastary belgili boldy
ORAL. QazAqparat - Qazaqstandyq tennısshilerdiń Ýımbldon týrnırindegi qarsylastary belgili boldy, dep habarlaıdy QazAqparat tilshisi.
Dúısenbi kúni bastalatyn Ýımbldon jarysy - «Úlken dýlyǵa» týrnıriniń biri. Sondyqtan onda sátti óner kórsetkender qomaqty tabys tabýmen birge reıtıngtegi oryndary da joǵarylaıdy.
Qazaqstannyń birinshi, álemniń 53-inshi raketkasy Zarına Dııasqa jerebe onsha joldas bola qoıǵan joq. Onyń alǵashqy qarsylasy - álemniń 25-inshi raketkasy, túbi reseılik bolǵanymen, Avstralııa eliniń namysyn qorǵaıtyn Darıa Gavrılova. Eger D.Gavrılovany utsa, onda álemniń 38-raketkasy, qytaılyq Pen Shýaı nemese qazirgi kezde reıtıngte 86-ynshy orynda turǵan avstralııalyq, 2011 jylǵy US Open jeńimpazy Samanta Stosýrdyń bireýimen kezdesedi.
Z.Dııas bıylǵy 12 maýsymda Nottıngem týrnırinde dál sol S.Stosýrmen matchta jaraqattanyp qalyp, kezdesýdi jalǵastyra almaǵan bolatyn. Sodan beri basqa jarysqa qatyspaǵan Zarına jaraqatynan jazyla aldy ma, daıyndyǵy qalaı, ony aldaǵy báseke kórsetedi.
Z.Dııas buǵan deıin Ýımbldon týrnıriniń 2014 jáne 2015 jyldary tórtinshi aınalymyna deıin jetip, tabysty nátıjege qol jetkizdi. Ótken jyly úshinshi aınalymnan qaıtty. Bıyl upaı joǵaltpaý úshin keminde úshinshi aınalymǵa deıin jete alsa, jaqsy bolar edi.
Taǵy bir qazaqstandyq, álemniń 55-raketkasy ıÝlııa Pýtıntseva reıtıngte 88-inshi oryndaǵy polıak qyzy Magda Lınetpen sheberlik baıqasady. Ony tize búktirse, reseılik, álemniń 14-inshi raketkasy Darıa Kasatkına men horvatııalyq ıAna Fettiń bireýi kútedi. M.Lınetti «Rolan Garros» týrnırinde Z.Dııas utqan bolatyn. Osy «Rolan Garros» jarysynyń shırek fınalyna deıin jetip, reıtıngte úzdik elýlikke jaqyndaǵan ıÝ.Pýtıntsevanyń bul joly da sátti oınap, óziniń upaı qoryn tolyqtyratyndaı múmkindigi bar.
Erler arasyndaǵy Ýımbldon týrnırinde Qazaqstannan jalǵyz Mıhaıl Kýkýshkın óner kórsetedi. Ol birinshi aınalymda álemniń 93-inshi raketkasy, ózinen úsh saty tómen turǵan kanadalyq Vashek Pospıshılmen kortqa shyǵady. Ony jeńgen jaǵdaıda álemniń birinshi raketkasy, ıspanııalyq Rafael Nadalmen (onyń alǵashqy qarsylasy - Izraıl eliniń ókili Dýdı Sela) kezdesýi ábden yqtımal.
Eske sala keteıik, budan buryn M.Kýkýshkınniń Istbýrn týrnıriniń jartylaı fınalyna shyqqanyn jazǵan bolatynbyz.
