Qazaqstandyq tennısshilerdiń Rolan Garros týrnırindegi qarsylastary belgili boldy
NUR-SULTAN. QazAqparat - Qazaqstandyq tennısshilerdiń Rolan Garros týrnırindegi qarsylastary belgili boldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Frantsııa ashyq chempıonaty 30 mamyr - 13 maýsym aralyǵynda Parıjdegi «Rolan Garros» sport kesheniniń korttarynda ótedi.
Jekeleı synda elimizden bes birdeı sportshy óner kórsetedi.
Qazaqstannyń birinshi, álemniń 37-raketkasy Aleksandr Býblıkke qıyn qarsylas tap boldy. Ol alǵashqy aınalymda álemniń 2-raketkasy, reseılik Danııl Medvedevpen sheberlik baıqasady. Mıhaıl Kýkýshkın ıspanııalyq Alehandro Davıdovıch-Fokınamen kezdesedi.
Áıelder arasynda Qazaqstannyń birinshi raketkasy Elena Rybakına frantsııalyq Elza Jakmony synap kóredi.
ıÝlııa Pýtıntsevanyń qarsylasy osal emes, ol Týnıs ókili Ons Jabermen kúsh synasady.
Zarına Dııas ulybrıtanııalyq Hızer Ýotsonmen kortqa shyǵady.
Eske sala keteıik, budan buryn qazaqstandyq tennısshiniń Italııadaǵy Parma týrnıriniń jartylaı fınalyna shyqqanyn jazǵan bolatynbyz.
