Qazaqstandyq tennısshilerdiń «Rolan Garros» týrnırindegi qarsylastary belgili boldy
NUR-SULTAN. QazAqparat - Qazaqstandyq tennısshilerdiń «Rolan Garros» týrnırindegi qarsylastary anyqtaldy, dep habarlaıdy QazAqparat tilshisi.
«Úlken dýlyǵa» týrnıriniń biri - Frantsııa ashyq chempıonatyna áıelder arasynda jekeleı synda ıÝlııa Pýtıntseva men Zarına Dııas qatysady.
Qazaqstannyń birinshi, álemniń 39-raketkasy ıÝlııa Pýtıntseva alǵashqy aınalymda dúnıejúzilik reıtıngte 64-oryndaǵy shvetsııalyq Rebekka Petersonmen oınaıdy.
Álemniń 90-raketkasy Zarına Dııas týrnırge lakı lýzer retinde arnaıy shaqyrtý alǵan, reıtıngte 288-satyda turǵan frantsııalyq Odrı Albımen kortqa shyǵady.
Árıne, Pýtıntsevaǵa qaraǵanda, Zarınaǵa ońaı qarsylas tústi dep aıtýǵa bolady. Alaıda keıde jeme-jemge kelgende, reıtıngke de qaramaıdy. Ári O.Albı kort ıesi bolǵandyqtan, baryn salatyny anyq.
ıÝ.Pýtıntseva men Z.Dııastyń qataryna taǵy bir qazaqstandyq Elena Rybakına qosylýy múmkin. Ol úshin Rybakına irikteý saıysynyń fınalynda japonııalyq Nao Hıbınony utýy kerek.
Erler arasynda Qazaqstannyń birinshi, álemniń 47-raketkasy Mıhaıl Kýkýshkın bastapqy kezdesýin reıtıngte 54-oryndaǵy slovakııalyq Martın Klıjanmen ótkizedi.
Taǵy bir qazaqstandyq, álemniń 90-raketkasy Aleksandr Býblıktiń qarsylasy ázirge anyqtala qoıǵan joq.
Qazirgi kezde irikteý saıystary ótip jatqan «Rolan Garros» týrnıri áıelder arasynda 8 maýsymda, erler básekesinde 9-ynda márege jetedi.
Álem chempıonatymen teń sanalatyn «Úlken dýlyǵa» týrnıriniń júlde qory asa qomaqty. Sondyqtan onda tabysty óner kórsetken tennısshiniń qanjyǵasy da maılanady, reıtıngte de orny joǵarylaıdy.
Ótken jyly osy týrnırde ıÝ.Pýtıntseva shırek fınalǵa deıin jetse, Z.Dııas ekinshi aınalymnan asa almaǵan bolatyn. M.Kýkýshkın birinshi kezdesýinde-aq jeńilis tapqan edi. Tennısshiler upaılaryn joǵaltpaýy úshin keminde ótken jylǵy jetistikterin qaıtalaýy qajet.
Eske sala keteıik, budan buryn ıÝlııa Pýtıntsevanyń Nıýrnberg týrnıriniń, Galına Voskoboevanyń juptyq synda Strasbýrg jarysynyń jartylaı fınalyna, taǵy bir qazaqstandyq Elena Rybakınanyń «Rolan Garros» týrnıri irikteý saıysynyń fınalyna shyqqanyn jazǵan bolatynbyz.
