Qazaqstandyq tennısshilerdiń Rolan Garros týrnırindegi qarsylastary belgili boldy
ASTANA. QazAqparat - Rolan Garros týrnıriniń jerebesi tartylyp, qazaqstandyq tennısshilerdiń qarsylastary belgili boldy, dep habarlaıdy QazAqparat tilshisi.
Áıelder arasynda Qazaqstannyń birinshi, álemniń 53-inshi raketkasy Zarına Dııas 67-inshi orynda turǵan Polsha eliniń ókili Magda Lınetpen kezdesedi. 1992 jylǵy, Zarınadan bir jas úlken M.Lınett - basqa týrnırlerdi aıtpaǵanda, bıyl Avstralııa ashyq chempıonatynda birshama sátti óner kórsetip, úshinshi aınalymǵa deıin jetken sportshy. Bir qyzyǵy, osy «Úlken dýlyǵa» týrnırinde Zarınamen birge juptyq básekede ekinshi aınalymǵa deıin jetken. Sondyqtan bir-biriniń syryn jaqsy biledi dep aıtýǵa bolady. Endi jekeleı synda qaısysynyń baǵy janatynyn kort kórsetedi.
Álemniń 93-inshi raketkasy ıÝlııa Pýtıntsevaǵa jerebe onsha joldas bola qoıǵan joq. Ol bastapqy kezdesýinde álemniń 22-inshi raketkasy, ulybrıtanııalyq Iohanna Kontamen kortqa shyǵady. Degenmen Nıýrnberg týrnırinde ıÝ.Pýtıntsevanyń álemniń 10-ynshy raketkasy, amerıkalyq Sloan Stıvensti jeńgenin eskersek, psıhologııalyq jaǵynan daıyndalyp, bar sheberligin sala bilse, kim-kimnen de qaımyqpaýǵa bolady.
Erler arasyndaǵy básekede Qazaqstannyń birinshi, álemniń 91-inshi raketkasy Mıhaıl Kýkýshkın alǵashqy aınalymda reıtıngte 36-ynshy orynda turǵan ıspanııalyq Albert Ramospen sheberlik baıqasady.
Ótken jyly Rolan Garros týrnırinde ıÝ.Pýtıntseva úshinshi aınalymǵa deıin jetse, Z.Dııas oǵan qatysqan joq. Al M.Kýkýshkın ekinshi aınalymǵa deıin bara aldy. Jalpy, qazaqstandyqtardan ıAroslava Shvedova ǵana 2012 jyly Rolan Garros týrnıriniń shırek fınalyna deıin jetip, úzdik nátıje kórsetti. Biraq ol qazir oınap júrgen joq.
Frantsııa ashyq chempıonaty nemese Rolan Garros týrnıri - bıylǵy jyldaǵy ekinshi «Úlken dýlyǵa» dodasy. ıAǵnı júlde qory eń kóp tórt úlken saıystyń biri. Sondyqtan onda sátti óner kórsetken sportshylar kóbirek upaı jınap, reıtıngin jaqsartýmen birge qomaqty tabys taba alady.
Qazirgi kezde Frantsııa chempıonatynyń irikteý saıystary ótýde.
Eske sala keteıik, Z.Dııas, ıÝ.Pýtıntseva jáne M.Kýkýshkın osy Rolan Garros aldyndaǵy daıyndyq esebinde sáıkesinshe Strasbýrg, Nıýrnberg, Lıon týrnırlerine qatysyp, keshe ǵana jarys jolynan shyǵyp qalǵanyn jazǵan bolatynbyz.
