Qazaqstandyq tennısshilerdiń Rım týrnırindegi qarsylastary anyqtaldy
NUR-SULTAN. QazAqparat – Qazaqstandyq tennısshilerdiń Rım WTA 1000 týrnırindegi qarsylastary anyqtaldy, dep habarlaıdy QazAqparat tilshisi.
Júlde qory 1,8 mln AQSh dollarynan asatyn aıtýly dodaǵa álemniń 1-raketkasy, aýstralııalyq Eshlı Bartı bastaǵan tennısshiler qatyspaqshy.
Qazaqstannyń ekinshi, álemniń 30-raketkasy ıÝlııa Pýtıntseva alǵashqy aınalymda dúnıejúzilik reıtıngte 35-orynda turǵan AQSh-tyń 17 jasar juldyzy Korı Gaýffpen kezdesedi.
Qazaqstan áıelder quramasynyń kapıtany ıAroslava Shvedova álemniń 100-raketkasy, ıtalııalyq Martına Trevızannan ótýge tyrysyp kóredi.
Qazirgi kezde irikteý saıystary ótip jatqan Rım jarysy 10-16 mamyr aralyǵynda ótedi. Ótken jyly rýmynııalyq Sımona Halep jeńimpaz atanǵan bolatyn.
Eske sala keteıik, budan buryn A.Býblıktiń Madrıd masters týrnıriniń jartylaı fınalyna shyǵa almaǵanyn, Rım jarysyndaǵy qarsylasy belgili bolǵanyn jazǵan edik.
Sondaı-aq, qazaqstandyq tennısshiler Mysyr men Týnıste ótken týrnırlerdiń jeńimpazy atandy.
