Qazaqstandyq tennısshilerdiń reıtıngtegi jańa orny belgili boldy
NUR-SULTAN. QazAqparat – Qazaqstandyq tennısshilerdiń reıtıngtegi jańa orny belgili boldy, dep habarlaıdy QazAqparat tilshisi.
Áıelder tennıs qaýymdastyǵy (WTA) jarııa etken reıtıngte Qazaqstannyń birinshi raketkasy Elena Rybakına 18-den 19-satyǵa syrǵydy.
Bul 19 jastaǵy Polsha ókili Iga Shventektiń Rolan Garros týrnırinde tamasha óner kórsetip, jeńimpaz atanýyna baılanysty bolyp otyr. Ol birden 36 orynǵa joǵary kóterilip, álemniń 17-raketkasy atandy.
Taǵy bir qazaqstandyq ıÝlııa Pýtıntseva 27-ornyn saqtap qalsa, Zarına Dııas 77-den 79-ǵa tómendedi.
Kósh basyndaǵy úzdik úshtik (aýstralııalyq Eshlı Bartı, rýmynııalyq Sımona Halep, japonııalyq Naomı Osaka) ózgerissiz qaldy.
Juptyq synda Galına Voskoboeva 69-dan 70-ke, Anna Danılına 131-den 134-ke, ıÝ.Pýtıntseva 180-nen 182-ge jyljydy.
Erler arasynda kásibı tennısshiler qaýymdastyǵy (ATP) jarııalaǵan reıtıngte Qazaqstannan birinshi bolyp kele jatqan Aleksandr Býblık 49-dan 52-ge syrǵydy. Mıhaıl Kýkýshkın 88-ornyn saqtap qalsa, Dmıtrıı Popko 171-den 178-ge tómendedi.
Reıtıngte burynǵysha serbııalyq Novak Djokovıch, ıspanııalyq Rafael Nadal, aýstrııalyq Domınık Tım alda keledi.
Juptyq synda M.Kýkýshkın 74-ten 75-ke, Andreı Golýbev 84-ten 86-ǵa, A.Býblık 106-dan 108-ge syrǵysa, Aleksandr Nedovesov 132-den 136-ǵa kóterildi.
Qazaqstandyqtar aldaǵy jarystarda sátti óner kórsetse, reıtıngtegi ornyn jaqsarta alady. Búgin A.Býblık Sankt-Peterbýrg dodasynda reıtıngte 221-orynda turǵan amerıkalyq Makkenzı Makdonaldpen kortqa shyǵady. Al M.Kýkýshkın erteń álemniń 41-raketkasy, serbııalyq Mıomır Ketsmanovıchpen oınaıdy.
Eske sala keteıik, budan buryn R. Nadaldyń Rolan Garros týrnırin 13 márte utqanyn jazǵan bolatynbyz.
