Qazaqstandyq tennısshilerdiń Melbýrn týrnırindegi qarsylastary anyqtaldy
NUR-SULTAN. QazAqparat – Melbýrnda 1-7 aqpan aralyǵynda erler arasynda qos birdeı týrnır ótedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, elimizdiń birinshi, álemniń 45-raketkasy Aleksandr Býblık ATP 250 Great Ocean Road Open dodasyn ekinshi aınalymnan bastaıdy.
Osy jarystyń 8-raketkasy bolyp tirkelgen A.Býblık ekinshi aınalymda aýstralııalyq Krıstofer O'Konnell nemese germanııalyq Domınık Kepferdiń qaı jeńgenimen kezdesedi.
Sondaı-aq A.Býblık juptyq synda Andreı Golýbevpen birge óner kórsetedi.
Taǵy bir qazaqstandyq, álemniń 89-raketkasy Mıhaıl Kýkýshkın Melbýrndaǵy Murray River Open týrnırinde baq synaıdy.
Ol alǵashqy aınalymda argentınalyq, reıtıngte ózinen 8 saty joǵary turǵan Hýan Londeromen sheberlik baıqasady.
Melbýrnda sondaı-aq áıelder arasynda da eki týrnır ótedi.
Munyń bári, bir jaǵynan, tennısshiler úshin 8 aqpanda bastalatyn Aýstralııa ashyq chempıonaty aldyndaǵy daıyndyq esebinde bolmaq.
Eske sala keteıik, budan buryn Aleksandr Nedovesovtiń Antalııa týrnıriniń fınalyna shyqqanyn, ıAroslava Shvedovanyń Melbýrndaǵy jarystyń ekinshi aınalymyna ótkenin jazǵan bolatynbyz.
