Qazaqstandyq tennısshilerdiń Maıamı týrnırindegi qarsylastary anyqtaldy
NUR-SULTAN. QazAqparat – Qazaqstandyq tennısshilerdiń 23 naýryzda bastalatyn WTA 1000 Miami Open presented by Itaú týrnırindegi qarsylastary anyqtaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Elena Rybakına men ıÝlııa Pýtıntseva jarysty ekinshi aınalymnan bastaıdy.
E.Rybakına estonııalyq Kaııa Kanepı nemese amerıkalyq Loren Devıstiń qaı jeńgenimen kezdesedi. ıÝ.Pýtıntseva ulybrıtanııalyq Hızer Ýotson nemese irikteý saıysy jeńimpazdarynyń birimen sheberlik baıqasady.
Qazaqstan quramasynyń kapıtany ıAroslava Shvedova alǵashqy aınalymda irikteý saıysy jeńimpazdarynyń bireýimen kortqa shyǵady. Al Zarına Dııastyń qarsylasy – ataqty amerıkalyq Vınýs Ýılıams.
Erler arasyndaǵy osy dodada Qazaqstannan Aleksandr Býblık pen Mıhaıl Kýkýshkın synǵa túsedi.
Qazirgi kezde jarystyń irikteý saıystary ótýde. Taǵy bir qazaqstandyq Dmıtrıı Popko Born Fratandjelomen oınaıdy. Іrikteý saıystaryn sátti ótkizse, D.Popko da negizgi týrnırge qosylady.
Eske sala keteıik, budan buryn AQSh týrnırinde 6 qazaqstandyq baq synaıtynyn jazǵan bolatynbyz.
Maıamı dodasy «Úlken dýlyǵa» týrnırlerinen keıingi eń bedeldi jarys sanalady.
