Qazaqstandyq tennısshilerdiń Madrıd týrnırindegi qarsylastary belgili boldy
NUR-SULTAN. QazAqparat – Qazaqstandyq tennısshilerdiń Madrıd WTA 1000 týrnırindegi qarsylastary belgili boldy, dep habarlaıdy QazAqparat tilshisi.
29 sáýir – 8 mamyr aralyǵynda ótetin aıtýly dodada dúnıejúzilik reıtıngte úzdik úshtikke enetin aýstralııalyq Eshlı Bartı, japonııalyq Naomı Osaka, rýmynııalyq Sımona Halep bastaǵan tennısshiler baq synaıdy.
Qazaqstannyń birinshi, álemniń 22-raketkasy Elena Rybakına alǵashqy aınalymda irikteý saıysy jeńimpazdarynyń birimen kezdesedi.
Qazaqstan áıelder quramasynyń kapıtany ıAroslava Shvedova álemniń 25-raketkasy, Týnıs ókili Ons Jabermen oınaıdy.
Reıtıngte 30-satyda turǵan ıÝlııa Pýtıntsevanyń qarsylasy da osal emes. Ol álemniń 18-raketkasy, ulybrıtanııalyq Iohanna Kontamen sheberlik baıqasady.
Bulardyń qataryna taǵy bir qazaqstandyq Zarına Dııastyń qosylýy múmkin. Ol búgin irikteý saıystarynyń fınalynda ýkraınalyq Katerına Kozlovamen sheshýshi kezdesýin ótkizedi.
2019 jyly fınalda S.Halepti 6:4, 6:4 esebimen tize búktirgen nıderlandylyq Kıkı Bertens chempıon atanǵan bolatyn. Ótken jyly Madrıd jarysy pandemııaǵa baılanysty ótpeı qaldy.
Erler arasyndaǵy Madrıd masters týrnıri 2-9 mamyr aralyǵynda ótedi. Álemniń 1-raketkasy, osy dodanyń 2019 jylǵy jeńimpazy, serbııalyq Novak Djokovıch bıylǵy jarysqa qatyspaıtyn bolyp sheshti. Ol Rolan Garros týrnırine basa mán berip, óz elinde muqııat daıyndalmaqshy.
Eske sala keteıik, budan buryn Zarına Dııastyń Madrıd týrnıriniń irikteý saıysyn sátti bastaǵanyn jazǵan bolatynbyz.
