Qazaqstandyq tennısshilerdiń Istbýrn týrnırindegi qarsylastary belgili boldy
NUR-SULTAN. QazAqparat - Istbýrn týrnırinde qazaqstandyq tennısshilerdiń qarsylastary anyqtaldy, dep habarlaıdy QazAqparat tilshisi.
Qazaqstannyń birinshi, álemniń 47-raketkasy Mıhaıl Kýkýshkın alǵashqy aınalymda reıtıngte 68-satydaǵy amerıkalyq Sem Kýerrımen kortqa shyǵady. Júlde qory 745 880 eýroǵa baǵalanǵan Istbýrn týrnıri 29 maýsymda márege jetedi.
Búgin taǵy bir qazaqstandyq, reıtıngte 85-orynda turǵan A.Býblık irikteý saıystarynyń fınalynda álemniń 91-raketkasy, amerıkalyq Tennıs Sandgrenmen kúsh synasty. Birinshi partııada esep 4:4 bolyp turǵan mezgilde amerıkalyq sportshy dop berdi. Mine, osy tartysty órbigen geımde Aleksandr breık jasaı bildi. Keıin óz geımin de bergen joq - 6:4. Ekinshi sette esep 5:4 bolǵanda, Sandgren breık jasap ketti - 6:4. Úshinshi, sheshýshi partııada T.Sandgren sátti oınaı bildi - 6:3.
Tartysty báseke 1 saǵat 43 mınýtqa sozyldy. Osylaısha A.Býblık Istbýrnde negizgi jarysqa shyǵa almaı qaldy.
Júlde qory 1 mln AQSh dollaryna jýyqtaıtyn Istbýrndegi áıelder týrnırinde Qazaqstannyń birinshi, álemniń 43-raketkasy ıÝlııa Pýtıntseva baq synaıdy. Ol alǵashqy aınalymda álemniń 34-raketkasy, taǵy bir amerıkalyq Danıel Roýz Kollınspen sheberlik baıqasady.
Istbýrn dodasy - 1-14 shilde aralyǵynda ótetin Ýımbldon týrnıri aldyndaǵy sońǵy jarys.
Eske sala keteıik, budan buryn Zarına Dııastyń Istbýrnnyń negizgi týrnırine óte almaǵanyn, al Aleksandr Býblıktiń osy jarysty jeńispen bastaǵanyn jazǵan bolatynbyz.
