Qazaqstandyq tennısshilerdiń halyqaralyq týrnırlerdegi qarsylastary anyqtaldy

Erler arasynda Qazaqstannyń birinshi, álemniń 40-raketkasy Mıhaıl Kýkýshkın Portýgalııadaǵy Eshtorıl týrnırine qatysady.

Júlde qory 524 340 eýroǵa baǵalanǵan atalmysh týrnır 5 mamyrda márege jetedi.

M.Kýkýshkın jarystyń alǵashqy aınalymynda álemniń 30-raketkasy, amerıkalyq Frensıs Tıafomen kezdesedi.

Ótken jyly osy týrnırde F.Tıafo fınalǵa deıin jetip, onda portýgalııalyq Joaý Soýzaǵa ese jibergen bolatyn. Sondyqtan onyń bıyl da joǵary nátıjege qol jetkizý úshin baryn salatyny anyq.

Munyń aldynda M.Kýkýshkın Býdapesht týrnıriniń alǵashqy aınalymynda álemniń 55-raketkasy, ıtalııalyq Matteo Berrettınıden jeńilip qalǵan bolatyn. Sol M.Berrettını jeksenbi kúni fınalda serbııalyq Fılıp Kraınovıchti utyp, jeńimpaz atandy.

Áıelder arasynda Qazaqstannyń birinshi, álemniń 38-raketkasy ıÝlııa Pýtıntseva Rabat (Marokko) týrnırinde baq synaıdy. Jarystyń 3-raketkasy bolyp tirkelgen ıÝ.Pýtıntsevanyń bastapqy qarsylasy - álemdik reıtıngte 68-orynda turǵan slovenııalyq Tamara Tsıdansek.

Qazaqstandyqtar Galına Voskoboeva men Anna Danılına osy týrnırdiń irikteý saıystaryna qatysqanymen, odan óte almady. G.Voskoboeva birinshi kezdesýinde-aq jeńilse, A.Danılına jeksenbi kúni serbııalyq Olga Danılovıchtan asa almady.

Erler arasynda Barselona men Býdapesht týrnıri márege jetse, endi tennısshiler Eshtorılden bólek Mıýnhende bas qosady. Áıelder arasynda Shtýtgart pen Ystanbul týrnıriniń jeńimpazdary anyqtaldy. Endi Rabatpen birge Praga dodasy ótedi. Bul jarystardyń barlyǵy da «Úlken dýlyǵanyń» biri, aldaǵy aıda bolatyn Rolan Garros týrnırine daıyndyq bolyp esepteledi. Oǵan qazirdiń ózinde Qazaqstannan M.Kýkýshkın, A.Býblık, ıÝ.Pýtıntseva jáne Zarına Dııas qatysýshylardyń tizimine endi. Іrikteý saıystarynda joly bolsa, basqa da qazaqstandyqtardyń qosylýy yqtımal.

Bul jarystardyń barlyǵy da «Úlken dýlyǵanyń» biri, aldaǵy aıda bolatyn Rolan Garros týrnırine daıyndyq bolyp esepteledi. Oǵan qazirdiń ózinde Qazaqstannan M.Kýkýshkın, A.Býblık, ıÝ.Pýtıntseva jáne Zarına Dııas qatysýshylardyń tizimine endi. Іrikteý saıystarynda joly bolsa, basqa da qazaqstandyqtardyń qosylýy yqtımal.

Eske sala keteıik, budan buryn A.Býblıktiń Meksıkadaǵy týrnırdiń fınalyna shyǵa almaǵanyn jazǵan bolatynbyz.

Áıelder arasynda Elena Rybakına Ystanbuldyń negizgi týrnırine joldama alyp, sodan keıin ekinshi aınalymǵa, shırek fınalyna shyqty. Degenmen jartylaı fınalǵa óte almaı qaldy.