Qazaqstandyq tennısshilerdiń Charlston týrnırindegi qarsylastary anyqtaldy
NUR-SULTAN. QazAqparat – Qazaqstandyq tennısshilerdiń AQSh-taǵy Charlston WTA týrnırindegi qarsylastary anyqtaldy, dep habarlaıdy QazAqparat tilshisi.
Atalǵan iri jarysta álemniń 1-raketkasy, aýstralııalyq Eshlı Bartı bastaǵan sportshylar baq synaıdy.
Qazaqstannyń birinshi, álemniń 23-raketkasy Elena Rybakına alǵashqy aınalymda dúnıejúzilik reıtıngte 119-orynda turǵan amerıkalyq Ketı Maknallımen sheberlik baıqasady.
Álemniń 28-raketkasy ıÝlııa Pýtıntseva reıtıngte 107-satydaǵy germanııalyq tájirıbeli tennısshi Andrea Petkovıchpen oınaıdy.
Reıtıngte 89-orynda turǵan Zarına Dııas irikteý saıysy jeńimpazdarynyń birimen kortqa shyǵady. Eger ıÝ.Pýtıntseva men Z.Dııas qarsylastaryn utsa, ekinshi aınalymda ózara kezdesedi.
Qazaqstan áıelder quramasynyń kapıtany, reıtıngte 822-oryndaǵy ıAroslava Shvedova álemniń 76-raketkasy, japonııalyq Mısakı Doımen kúsh synasady.
Qazirgi kezde irikteý saıystary ótip jatqan doda 5 sáýirde bastalyp, 11-inde márege jetedi.
Eske sala keteıik, budan buryn Denıs Evseevtiń juptyq synda Portýgalııadaǵy týrnırdiń fınalynda jeńilip qalǵanyn jazǵan bolatynbyz.
