Qazaqstandyq tennısshilerdiń Aýstralııa chempıonatyndaǵy qarsylastary belgili boldy
ASTANA. QazAqparat - Melbýrn qalasynda tennısten Aýstralııa ashyq chempıonatynyń jerebesi tartyldy, dep habarlaıdy QazAqparat tilshisi.
Aýstralııa ashyq chempıonaty - jyl saıyn ótetin tórt «Úlken dýlyǵa» týrnıriniń eń birinshisi.
Qazaqstannyń birinshi, álemniń 44-raketkasy, jýyrda 24-ke tolǵan ıÝlııa Pýtıntseva osynaý aıtýly dodanyń alǵashqy aınalymynda dúnıejúzilik reıtıngte 32-orynda turǵan, bıyl 33-ke tolatyn tájirıbeli chehııalyq tennısshi Barbora Strytsovamen kezdesedi.
Reıtıngte 98-satyda turǵan Zarına Dııas bastapqy matchyn serbııalyq, álemniń 60-raketkasy Aleksandra Krýnıchpen ótkizedi. Bulardyń ekeýi de bir jyldyń tóli, 25 jasta. Qazirgi kezde qaısysy myqty ekenin kort kórsetedi.
Erler arasyndaǵy jekeleı synǵa Qazaqstannan álemdik reıtıngte 56-satyda turǵan Mıhaıl Kýkýshkın ǵana qatysady. Onyń da qarsylasy osal emes. Álemniń 30-raketkasy, Frantsııa eliniń ókili - Lıýka Pýı.
Ótken jylǵy Aýstralııa ashyq birinshiliginde ıÝ.Pýtıntseva ekinshi, Z.Dııas pen M.Kýkýshkın alǵashqy aınalymnan asa almaǵan bolatyn.
ıÝ.Pýtıntseva osyǵan deıin Sıdneı týrnırinde barynsha tabysty óner kórsetip, US Open týrnıriniń 2017 jylǵy jeńimpazy, amerıkalyq Sloan Stıvensti utyp, shırek fınalǵa deıin jetken edi. Bir qyzyǵy, dál osy jarystyń irikteý saıysynda Z.Dııas B.Strytsovany 7:5, 1:6, 6:4 esebimen utyp, keıin óziniń otandasy ıÝ.Pýtıntsevaǵa jol bergen edi.
Endi Aýstralııa ashyq chempıonatynda qaı tennısshi de sátti oınap, ótken jylǵy kórsetkishterinen asyp tússe, aqshalaı tabys óz aldyna, kóbirek upaı jınap, reıtıngide joǵarylaýǵa múmkindik alady.
Qazirgi kezde irikteý saıystary ótip jatqan atalmysh doda 27 qańtarda márege jetedi.
Eske sala keteıik, buǵan deıin Aleksandr Nedovesovtiń Aýstralııa ashyq chempıonaty irikteý saıysynyń fınalyna, al ıÝ.Pýtıntsevanyń Sıdneı týrnıriniń jartylaı fınalyna shyǵa almaǵanyn jazǵan bolatynbyz.
