Qazaqstandyq tennısshilerdiń álemdik reıtıngidegi oryndary anyqtaldy
ASTANA. QazAqparat – Qazaqstandyq tennısshilerdiń álemdik reıtıngidegi oryndary anyqtaldy, dep habarlaıdy QazAqparat tilshisi.
Áıelder tennısi qaýymdastyǵy (WTA) jarııa etkenindeı, qazaqstandyqtar Elena Rybakına men ıÝlııa Pýtıntseva ózderiniń sáıkesinshe 22-inshi jáne 52-ornyn saqtap qaldy.
Álemdik reıtıngide Polsha ókili Iga Shventek kósh bastasa, týnıstik Ons Jaber ekinshi, amerıkalyq Djessıka Pegýla úshinshi orynda.
Juptyq synda Qazaqstannyń birinshi raketkasy Anna Danılına 11-satyda qalsa, Jibek Qulambaeva 204-ten 203-ke kóterildi.
Chehııalyq Katerına Sınıakova juptyq synda burynǵysha aldyna jan salmasa, reseılik Veronıka Kýdermetova men taǵy bir chehııalyq Barbora Kreıchıkova úzdik úshtikte keledi.
Erler arasynda kásibı tennısshiler qaýymdastyǵynyń (ATP) jańartylǵan reıtıngisinde Qazaqstannyń birinshi raketkasy Aleksandr Býblık 37-ornynda bekise, Tımofeı Skatov 142-den 146-ǵa syrǵydy.
Munda ıspanııalyqtar Karlos Alkaras pen Rafael Nadal jáne norvegııalyq Kasper Rýýd úzdik úshtikte tur.
Juptyq synda Andreı Golýbev 48-den 47-ge joǵarylasa, Aleksandr Nedovesov 53-te qaldy, A.Býblık 172-den 173-ke tómendedi.
Juptyq synda Nıderland ókili Ýeslı Kolhof pen ulybrıtanııalyq Nıl Skýpskı jáne amerıkalyq Radjıv Ram burynǵysha alda keledi.
Eske sala keteıik, budan buryn Elena Rybakınanyń qazaqstandyqtardyń qoldaýyn sezinetini týraly aıtqanyn jazǵan bolatynbyz.
Elena Rybakına sondaı-aq álemniń «Jyl oıynshysy» ataǵyna úmitker atandy.
Qazaqstandyq jas tennısshi Ispanııadaǵy týrnırdiń absolıýtti chempıony atandy.
Novak Djokovıch altynshy ret ATP qorytyndy týrnıriniń chempıony atandy.
Foto: Jeff Dean / AP Photo
