Qazaqstandyq tennısshilerdiń álemdik reıtıngidegi orny
NUR-SULTAN. QazAqparat – Kásipqoı tennısshiler qaýymdastyǵy (ATR) sportshylardyń jeke jáne juptyq syndaǵy reıtınginiń jańartylǵan nusqasyn usyndy, dep habarlaıdy QazAqparat Sports.kz saıtyna silteme jasap.
Birinshi oryndy Serbııa sportshysy Novak Djokovıch saqtap qaldy, ekinshi orynda – reseılik Danııl Medvedev tur, úzdik «úshtikti» Grekııa tennısshisi Stefanos Tsıtsıpas túıindegen.
Reıtınginiń úzdik «júzdigine» Qazaqstannan jalǵyz ókil engen – Aleksandr Býblık burynǵysha 39-shy orynda tur. Mıhaıl Kýkýshkın bir saty joǵary kóterilip, 131-shi orynǵa turaqtady, Dmıtrıı Popko tizimde 181-shi orynda.
Juptyq synda Andreı Golýbev 35-shi orynnan 36-ǵa tústi, Býblık te bir saty tómen – 49-shy orynǵa turaqtaǵan, Aleksandr Nedovesov 84-shi, Mıhaıl Kýkýshkın — 133-shi oryndy saqtap qaldy. Reıtıngide Horvatııa sportshylary Mate Pavıch pen Nıkola Mektıch, sondaı-aq frantsııalyq tennısshi Nıkolıa Maıý kósh bastap tur.
