Qazaqstandyq tennısshilerdiń álemdik reıtıngidegi orny belgili boldy

ASTANA. QazAqparat – Kásibı tennısshiler qaýymdastyǵy (ATP) erler arasynda jańartylǵan reıtıngini jarııa etti, dep habarlaıdy QazAqparat tilshisi.

Qazaqstannyń úzdik tennısshisi Aleksandr Býblık 36-dan 37-satyǵa syrǵyp ketti.

Tımofeı Skatov 141-ornynda qalsa, Mıhaıl Kýkýshkın 235-ten 236-ǵa, Denıs Evseev 287-den 290-ǵa, Beıbit Jýkaev 321-den 323-ke, Dmıtrıı Popko 324-ten 325-ke tómendedi.

Álemdik reıtıngte burynǵysha ıspanııalyq Karlos Alkaras kósh bastap keledi. Onyń otandasy Rafael Nadal ekinshi, grekııalyq Stefanos Tsıtsıpas úshinshi orynda.

Juptyq synda Andreı Golýbev 52-den 49-ǵa, Aleksandr Nedovesov 57-den 54-ke, Aleksandr Býblık 169-dan 165-ke kóterildi.

Munda Nıderland ókili Ýeslı Kolhof kósh basyna shyqty. Ulybrıtanııalyq Nıl Skýpskı ekinshi, burynǵy kóshbasshy, amerıkalyq Radjıv Ram úshinshi satyda tur.

Eske sala keteıik, budan buryn qazaqstandyq jas tennısshilerdiń halyqaralyq týrnırlerde úzdik shyqqanyn jazǵan bolatynbyz.

Foto: sports.kz