Qazaqstandyq tennısshilerdiń álemdik reıtıngidegi orny anyqtaldy
ASTANA. QazAqparat – Kásibı tennısshiler qaýymdastyǵy (ATP) jekeleı jáne juptyq synda jańartylǵan álemdik reıtıngini jarııa etti, dep habarlaıdy QazAqparat tilshisi.
Qazaqstannyń birinshi raketkasy Aleksandr Býblık 37-ornyn saqtap qaldy.
Tımofeı Skatov 141-den 142-ge syrǵydy.
Dúnıejúzilik reıtıngide burynǵysha ıspanııalyq Karlos Alkaras kósh bastap keledi. Onyń otandasy Rafael Nadal ekinshi, grekııalyq Stefanos Tsıtsıpas úshinshi satyda.
Juptyq synda Andreı Golýbev 49-dan 48-ge, Aleksandr Nedovesov 54-ten 53-ke kóterilse, A.Býblık 165-ten 172-ge tómendedi.
Birinshi oryndy 7450 upaımen Nıderland ókili Ýeslı Kolhof pen brıtanııalyq Nıl Skýpskı bólisse, amerıkalyq Radjıv Ram úzdik úshtikti túıindep tur.
Eske sala keteıik, budan buryn qazaqstandyq tennısshiniń Slovakııadaǵy týrnırde jeńimpaz atanǵanyn, tennısten álem chempıonatynyń irikteý satysynda Qazaqstan áıelder quramasynyń Polshamen oınaıtynyn jazǵan bolatynbyz.
Sondaı-aq ıÝrıı Polskıı Polshamen matchta Qazaqstan quramasy baryn salatynynmálim etti.
Foto: sports.kz
