Qazaqstandyq tennısshilerdiń AQSh ashyq chempıonatyndaǵy qarsylastary anyqtaldy
NUR-SULTAN. QazAqparat - «Úlken dýlyǵa» týrnıri - AQSh ashyq chempıonatynyń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, elimizdiń erler arasynda birinshi, álemniń 47-raketkasy Aleksandr Býblık alǵashqy aınalymda dúnıejúzilik reıtıngte 71-orynda turǵan frantsııalyq Ýgo Gastonmen kezdesedi.
Áıelder arasynda Qazaqstannyń birinshi, álemniń 25-raketkasy, Ýımbldon chempıony Elena Rybakına irikteý saıystary jeńimpazdarynyń birimen kortqa shyǵady.
Reıtıngte 39-satydaǵy ıÝlııa Pýtıntseva álemniń 24-raketkasy, amerıkalyq Amanda Anısımovadan ótýge tyrysyp kóredi.
Sondaı-aq Anna Danılına, Andreı Golýbev jáne Aleksandr Nedovesov juptyq synda jarysqa qatysady. Olardyń qarsylastary keıin anyqtalady.
US Open dodasy 29 tamyz - 10 qyrkúıek aralyǵynda ótedi.
Eske sala keteıik, budan buryn Dmıtrıı Popkonyń AQSh ashyq chempıonatynyń irikteý saıysynda jeńilip qalǵanyn jazǵan bolatynbyz.
Sondaı-aq qazaqstandyq tennısshi AQSh-taǵy týrnırdiń jartylaı fınalyna shyqty.
