Qazaqstandyq tennısshilerdiń Ábý-Dabı týrnırindegi qarsylastary belgili boldy
NUR-SULTAN. QazAqparat – Qazaqstandyq tennısshilerdiń Ábý-Dabı WTA 500 týrnırindegi qarsylastary belgili boldy, dep habarlaıdy QazAqparat tilshisi.
Áıelder tennısi qaýymdastyǵy (WTA) bıyl alǵash ret uıymdastyryp otyrǵan doda 5-13 qańtar aralyǵynda ótedi.
Jarystyń júlde qory 565 530 AQSh dollaryn quraıdy.
Ábý-Dabıdiń negizgi týrnırine Qazaqstannan tórt tennısshi qatysady. Oǵan qosa Anna Danılına búgin irikteý saıysynda qytaılyq ıAn Chjaosıýanmen kúsh synasady. Eger ol irikteý saıystarynan ótse, negizgi jarysqa joldama alady.
Qazaqstannyń birinshi, álemniń 19-ynshy, osy týrnırdiń 6-raketkasy Elena Rybakına alǵashqy aınalymda irikteý saıystary jeńimpazdarynyń bireýimen kezdesedi. Sondaı-aq ıAroslava Shvedovanyń da qarsylasy ázirge belgisiz.
Dúnıejúzilik reıtıngte 28-satyda turǵan, osy týrnırdiń 13-raketkasy bolyp tirkelgen ıÝlııa Pýtıntseva ıtalııalyq Martına Trevızanmen kortqa shyǵady. M.Trevızan ótken jyly Rolan Garros týrnırinde asa tabysty óner kórsetip, sonyń nátıjesinde úzdik júzdikke endi, qazir ol 85-orynda tur.
Zarına Dııas birinshi aınalymda álemniń 33-inshi, týrnırdiń 17-raketkasy, reseılik Ekaterına Aleksandrovamen sheberlik baıqasady.
Ábý-Dabıdegi negizgi týrnır 6 qańtar kúni bastalady.
Eske sala keteıik, budan buryn Qazaqstannan tórt tennısshiniń Ábý-Dabı týrnırine qatysatynyn jazǵan bolatynbyz.
