Qazaqstandyq tennısshiler juptyq synda Maıamı masters týrnırin jeńispen bastady
Qazaqstannyń áıelder arasynda juptyq syndaǵy birinshi raketkasy Anna Danılına amerıkalyq Eıja Mýhammadpen birge alǵashqy kezdesýin ıspanııalyq Paýla Badosa – týnıstik Ons Jabermen ótkizdi.
Qazaqstandyq-amerıkalyq jup 1 saǵattan astam ýaqytqa sozylǵan matchta 6:4, 6:4 esebimen jeńiske jetti.
Qazaqstannyń erler arasynda jekeleı syndaǵy birinshi raketkasy Aleksandr Býblık serbııalyq Mıomır Ketsmanovıchpen birge argentınalyqtar Pedro Kachın – Fransısko Cherýndolodan 6:3, 6:3 esebimen aılasyn asyrdy.
Sóıtip, qazaqstandyq-serbııalyq jup ekinshi aınalymǵa ótti.
Qazaqstandyq tennısshilerdiń ekinshi aınalymdaǵy qarsylastary keıin anyqtalady.
Júlde qory 8,8 mln AQSh dollaryna baǵalanǵan Maıamı dodasy 2 sáýirde márege jetedi.
Eske sala keteıik, budan buryn tennısten Qazaqstan jasóspirimderiniń irikteý kezeńiniń jartylaı fınalyna shyqqanyn jazǵan bolatynbyz.
