Qazaqstandyq tennısshiler Jeneva jáne Lıon týrnırleriniń jartylaı fınalyna shyǵa almady
NUR-SULTAN. QazAqparat - Qazaqstandyq tennısshiler juptyq synda Jeneva jáne Lıon ATP 250 týrnırleriniń jartylaı fınalyna shyǵa almady, dep habarlaıdy QazAqparat tilshisi.
Andreı Golýbev horvatııalyq Marın Chılıchpen birge shırek fınalda Jeneva jarysynyń 3-raketkalary, ońtústikafrıkalyq Raven Klasen - japonııalyq Ben Maklahlanmen kezdesti.
Ońtústikafrıkalyq-japonııalyq jup 1 saǵat 21 mınýtqa sozylǵan matchta 6:3, 7:6 (7:4) esebimen jeńiske jetti.
Taǵy bir qazaqstandyq Aleksandr Nedovesov ıtalııalyq Andrea Vavassorımen birge Lıonda brazılııalyq Marselo Demolıner - meksıkalyq Santıago Gonsalespen jartylaı fınal joldamasyn sarapqa saldy. Bul kezdesýde S.Gonsales pen M.Demolıner 7:6 (7:1), 6:4 esebimen utty. Báseke 1 saǵat 24 mınýtqa sozyldy.
Eske sala keteıik, budan buryn Devıs kýbogyna Qazaqstan quramasy matchtarynyń qashan ótetini belgili bolǵanyn jazǵan edik.
