Qazaqstandyq tennısshiler Zagreb týrnırinde juptyq kezdesýlerin sátti ótkizdi
NUR-SULTAN. QazAqparat – Qazaqstandyq tennısshiler Zagreb (Horvatııa) chellendjer týrnırinde juptyq kezdesýlerin sátti ótkizdi, dep habarlaıdy QazAqparat tilshisi.
Osy týrnırdiń 1-raketkalary bolyp tirkelgen Aleksandr Nedovesov pen Andreı Golýbev alǵashqy aınalymda argentınalyq Sebastıan Baes – brazılııalyq Tıago Ýaıldpen kúsh synasty.
Birinshi partııada qazaqstandyq jup 6:1 esebimen aıqyn basymdylyq kórsetse, ekinshisinde qarsylastary qarymta qaıyrdy – 6:2.
Sýper taı-breıkte A.Nedovesov pen A.Golýbev birde-bir upaı bergen joq – 10:0.
Taǵy bir qazaqstandyq Dmıtrıı Popko chılılik Alehandro Tabılomen birge amerıkalyqtar Natan Pasha – Maks-Djeıkob Shnýrmen sheberlik baıqasty.
Munda qazaqstandyq-chılılik jup 4:6, 6:1, 10:7 esebimen jeńiske jetti.
Endi shırek fınalda A.Nedovesov – A.Golýbev jáne D.Popko – A.Tabılo juptary ózara kezdesedi. Qaı jeńgeni jartylaı fınalǵa shyǵady.
D.Popkonyń jekeleı synda joly bolmady. Ol chılılik Tomas Barrıostan 4:6, 2:6 esebimen utylyp qaldy.
Eske sala keteıik, budan buryn ıAroslava Shvedovanyń Rım týrnıriniń ekinshi aınalymyna shyqqanyn jazǵan bolatynbyz.
