Qazaqstandyq tennısshiler US Open týrnıriniń irikteý saıysynda baq synaıdy
NUR-SULTAN. QazAqparat – Qazaqstandyq tennısshiler US Open týrnıriniń irikteý saıysynda baq synaıdy, dep habarlaıdy QazAqparat tilshisi.
Qazaqstan tennıs federatsııasynyń baspasóz qyzmeti málim etkenindeı, Mıhaıl Kýkýshkın men Dmıtrıı Popkonyń qarsylastary anyqtaldy. Álemniń 129-inshi, irikteý saıystarynyń 13-raketkasy M.Kýkýshkın dúnıejúzilik reıtıngide 193-oryndaǵy frantsııalyq Matıas Býrkpen sheberlik baıqasady.
Reıtıngide 182-satydaǵy D.Popko ózinen úsh saty joǵary turǵan slovenııalyq Blaj Rolamen kúsh synasady.
Qazaqstandyqtar negizgi jarysqa joldama alýy úshin árqaısysy úsh qarsylasyn utýy kerek.
AQSh-taǵy «Úlken dýlyǵa» týrnıri 30 tamyzda bastalyp, 12 qyrkúıekte márege jetedi.
Eske sala keteıik, budan buryn Zarına Dııastyń Chıkagoda jeńilip qalǵanyn, Astana Open týrnırine kimderdiń qatysatynyn jazǵan bolatynbyz.
