Qazaqstandyq tennısshiler Ýımbldonda qansha tabys tapty

ASTANA. QazAqparat – Qazaqstandyq tennısshilerdiń Ýımbldon týrnırinde qansha tabys tapqany belgili boldy, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, jekeleı synda shırek fınalǵa deıin jetken Elena Rybakına 340 myń fýnt sterlıngke (194 075 525 teńge) qol jetkizdi.

Jekeleı synda tórtinshi aınalymnan asa almaǵan Aleksandr Býblık 207 myń fýnt sterlıngpen (118 157 746 teńge) qaıtty.

ıÝlııa Pýtıntseva jekeleı (55 myń fýnt sterlıng nemese 31 394 570 teńge) jáne juptyq (6 875 fýnt sterlıng nemese 3 924 321 teńge) synda alǵashqy aınalymda óner kórsetkeni úshin barlyǵy 61 875 fýnt sterlıng nemese 35 318 891 teńge oljalady.

Anna Danılınanyń kórsetkishi – juptyq syndaǵy alǵashqy aınalym: 6 875 fýnt sterlıng (3 924 321 teńge) jáne mıksta shırek fınal: 8 250 fýnt sterlıng (4 709 185 teńge), qorytyndysy – 15 125 fýnt sterlıng (8 633 506 teńge).

Juptyq synda alǵashqy aınalymda súringen Aleksandr Nedovesov pen Andreı Golýbev 6 875 fýnt sterlıngten (3 924 321 teńge) tapty.

Ýımbldonnyń irikteý satysynyń birinshi aınalymynda oınaǵan Tımofeı Skatovtyń tabysy – 12 750 fýnt sterlıng (7 277 832 teńge).

Eske sala keteıik, budan buryn Elena Rybakınanyń Ýımbldonnyń shırek fınalynda jeńilip qalǵanyn jazǵan edik.

ıÝlııa Pýtıntseva Shvetsııadaǵy týrnırdiń shırek fınalyna shyqty.