Qazaqstandyq tennısshiler Ýımbldon týrnırinde baq synaıdy
ASTANA. Maýsymnyń 21-i QazAqparat /Marlan Jıembaı/ - Búgin álemdegi eń kóne ári mártebeli tennıs týrnırleriniń, «Úlken shlem» tórt týrnıriniń biri Ýımbldon týrnıri bastalady.
Elimizdiń Tennıs federatsııasynyń habarlaýynsha, atalǵan baıraqty básekege Qazaqstannyń 3 tennısshisi qatyspaq. Qazaqstannyń birinshi raketkasy mártebesi bar ıAroslava Shvedova búgin osy týrnır aıasynda slovenııalyq Polona Hertsogpen kezdesedi. Al taǵy eki sportshymyz Evgenıı Korolev pen Andreı Golýbevte alǵashqy oıyndaryn búgin ótkizbek. Alǵashqy aınalymdaǵy E.Korolevtiń qarsylasy argentınalyq Edýard Shvanko bolsa, A.Golýbev cheh Tomash Berdyhpen oınaıdy.
Aıta keteıik, bul týrnır jyl saıyn maýsym-shilde aılarynda Londonnnyń Ýımbldon aımaǵynda ótkiziledi. Aǵashqy týrnır Ýımbldondaǵy jalpyaǵylshyndyq laýn-tennıs jáne kroket klýbynyń alańynda 1877 jyly ótkizilgen bolatyn. Jarysqa 22 tennısshi qatysyp, aqtyq báseke oıynyn 200-ge jýyq kórermen tamashalady. Ýımbldonnyń birinshi jeńimpazy mártebesin 27 jastaǵy Spenser Gor ıelendi. Al áıelder arasyndaǵy týrnır 1884 jyly engizilip, oǵan 13 sportshy qatysty. Sonymen qatar osy jyly erler arasyndaǵy juptyq báseke, al 1913 jyly áıelder arasyndaǵy juptyq oıyndar týrnır baǵdarlamasana engizildi.
2010 jylǵy Ýımbldonnyń júlde qory 1968 jylmen salystyrǵanda 525 ese ulǵaıyp otyr. Atap aıtqanda, osydan 42 jyl buryn týrnırdiń jalpy qory 26,15 myń fýt sterlıng bolatyn. Al osy joly tennısshiler 13,725 mıllıon fýnt sterlıng úshin jarys alańyna shyǵady.
