Qazaqstandyq tennısshiler Túrkııadaǵy týrnırdiń jartylaı fınalyna shyqty
ASTANA. QazAqparat – Qazaqstandyq tennısshiler juptyq synda Antalııa qalasynda (Túrkııa) ótip jatqan ITF World Tennis Tour W15 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Janel Rústemova men Sandýǵash Kenjebaeva shırek fınalda týnıstik Ál Zeınab – reseılik Marııa Sysoevamen kezdesti.
Qazaqstan sportshylary qarsylastaryn 6:2, 6:3 esebimen tize búktirdi.
J.Rústemova men S.Kenjebaeva jartylaı fınalda taǵy bir qazaqstandyq Arýjan Saǵyndyqova – qytaılyq ıÝ-ıÝn Lımen sheberlik baıqasady.
Qazaqstandyq-qytaılyq jup shırek fınalda jarystyń 4-raketkalary, Reseı sportshysy Eva Garkýsha – Shveıtsarııa ókili Katerına Tsygýnovadan aılasyn asyryp ketti – 6:2, 4:6, 14:12. Úshinshi, sheshýshi sýper taı-breıkte Eva men Katerına tórt matchboldy paıdalana almady.
Osylaısha, Antalııa dodasynda juptyq synda qazaqstandyq tennısshi óner kórsetetin bolady.
Sonymen qatar 17 jasar Arýjan Saǵyndyqova jekeleı synda da jarysty jalǵastyrýda.
Eske sala keteıik, budan buryn qazaqstandyq tennısshiniń Túrkııadaǵy jarystyń shırek fınalyna ótkenin jazǵan bolatynbyz.
