Qazaqstandyq tennısshiler Túrkııadaǵy týrnırdiń shırek fınalyna shyqty
ORAL. QazAqparat – Qazaqstandyq tennısshiler Sandýǵash Kenjebaeva men Janel Rústemova juptyq synda Túrkııanyń Antalııa qalasynda ótip jatqan ITF W15 týrnıriniń shırek fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, júlde qory 15 myń AQSh dollaryna baǵalanǵan jarystyń alǵashqy aınalymynda qazaqstandyq jup túrkııalyq Nehır Dogan – bolgarııalyq Emma Fantýsıspen sheberlik baıqasty.
S.Kenjebaeva men J.Rústemova tartysty básekede jeńisti julyp aldy – 4:6, 6:0, 10:4.
Qazaqstandyq juptyń shırek fınaldaǵy qarsylasy keıin anyqtalady.
Qazaqstandyq tennısshiler jekeleı synda da sátti óner kórsetýde. 17 jastaǵy Sandýǵash irikteý saıystarynyń fınalynda shvetsııalyq Nora Svensondy tize búktirdi – 6:2, 7:6 (7:3). Al 18 jastaǵy Janel slovenııalyq Brına Sýlınniń meselin qaıyrdy – 6:3, 6:4. Endi olar negizgi dodada baq synaıdy.
Eske sala keteıik, budan buryn aq 15 jasar qazaqstandyq tennısshiniń eresekter arasyndaǵy halyqaralyq týrnırge joldama alǵanyn jazǵan bolatynbyz.
Sondaı-aq qazaqstandyq tennısshi WTA qorytyndy týrnırin sátti bastady.
