Qazaqstandyq tennısshiler taıpeılik sportshylardy 3:0 esebimen jeńdi
ASTANA. 3 aqpan. QazAqparat - Taılandta ótip jatqan Federatsııalar kýbogynda qazaqstandyq tennısshiler búgin qytaılyq Taıpeıdiń komandasyn jeńdi,
dep habarlady Tennıs federatsııasynyń baspasóz qyzmetinen.
Birinshi kezdesýde 17 jasar qazaqstandyq Zarına Dııas Tıng-Feı Jýandy 6:0, 6:2 eseppen jeńip, quramany alǵa shyǵarsa, ekinshi kezdesýde Sesıl Karatancheva Chın-Veı Chandy 6:2, 7:6 eseppen jeńdi.
Al juptyq oıynda qazaqstandyq sportshylar Sesıl Karatancheva men Galına Voskoboeva Tıng-Feı Jýan/ıÝ-Lın Mıaonyń jubynan basym tústi. Osylaısha, «Qazaqstan - Qytaılyq Taıpeı» kezdesýiniń qorytyndysy 3:0 esebimen aıaqtaldy.
Juma, 4 aqpan kúni Qazaqstan quramasy ózi óner kórsetip jatqan «V» tobynda Ońtústik Koreıa komandasymen kúsh synasady.
