Qazaqstandyq tennısshiler reıtıngte joǵary kóterildi

Qazaqstannyń birinshi raketkasy Elena Rybakına Áıelder tennısi qaýymdastyǵynyń (WTA) reıtıngisinde 26-dan 25-orynǵa shyqty.

Osylaısha 20 jastaǵy tennısshi ıAroslava Shvedovanyń 2012 jylǵy jetistigin qaıtalady. E.Rybakınanyń Qazaqstan rekordyn jańartýyna tolyq múmkindigi bar.

Sondaı-aq ıÝlııa Pýtıntseva 38-den 34-inshi, Zarına Dııas 73-ten 63-satyǵa ornalasty.

Bul nátıje osy úsh tennısshiniń jeksenbi kúni márege jetken Aýstralııa ashyq chempıonatynda úshinshi aınalymǵa deıin jetkendigine baılanysty bolyp otyr.

Reıtıngte aýstralııalyq Eshlı Bartı kóshbasshylyq ornyn saqtap qalsa, rýmynııalyq Sımona Halep chehııalyq Karolına Plıshkovany yǵystyryp, ekinshi orynǵa kóterildi.

Juptyq synda qazaqstandyqtardan Galına Voskoboeva men Anna Danılına bes satyǵa kóterilip, sáıkesinshe 56-ynshy jáne 122-orynǵa jaıǵasty. ıÝ.Pýtıntseva 40 satyǵa (202) tómendese, E.Rybakına kerisinshe 173 saty joǵarylap, 344-raketka atandy.

Kásipqoı tennısshiler qaýymdastyǵy (ATP) da erler arasynda jańartylǵan reıtıngti jarııa etti.

Munda Aýstralııa ashyq chempıonatynyń jeńimpazy atanǵan serbııalyq Novak Djokovıch kósh bastasa, ıspanııalyq Rafael Nadal ekinshi orynǵa túsip qaldy. Shveıtsarııalyq Rodjer Federer burynǵysha úzdik úshtikte keledi.

Qazaqstandyq Aleksandr Býblık 56-dan 54-orynǵa kóterilse, Mıhaıl Kýkýshkın 68-satyda qaldy. Dmıtrıı Popko 13 satyǵa joǵarylap, 170-raketka atandy.

Aýstralııa ashyq chempıonatynyń jartylaı fınalyna deıin jetken M.Kýkýshkın men A.Býblık juptyq synda kúrt sekiris jasady. M.Kýkýshkın 74 satyǵa joǵarylap, 68-raketka atandy. Al A.Býblık birden 246 satyny artqa qaldyryp, úzdik júzdikke (96-oryn) endi.

Sondaı-aq kórsetkishterin jaqsartqan Andreı Golýbev 132-inshi (+17), Aleksandr Nedovesov 146-orynda (+20) tur.

Eske sala keteıik, budan buryn Novak Djokovıchtiń segizinshi márte Aýstralııa chempıony atanǵanyn jazǵan bolatynbyz.