Qazaqstandyq tennısshiler Rabat týrnırinde qos birdeı Saramen kezdesedi
ASTANA. QazAqparat - Qazaqstandyq tennısshiler Zarına Dııas pen ıÝlııa Pýtıntseva Rabat (Marokko) týrnırine qatysady, dep habarlaıdy QazAqparat tilshisi.
Qazaqstannyń birinshi, álemniń 52-inshi raketkasy, 1993 jylǵy Z.Dııas birinshi aınalymda ıtalııalyq tájirıbeli tennısshi, dúnıejúzilik reıtıngte 93-orynda turǵan, týra búgin 31 jasqa tolǵan Sara Erranımen sheberlik baıqasady. Zarına júlde qory 226750 AQSh dollary bolatyn osy týrnırde altynshy raketka bolyp tirkelgen.
Taǵy bir qazaqstandyq tennısshi, álemniń 83-inshi raketkasy ıÝlııa Pýtıntseva reıtıngte 132-satyda turǵan ıspanııalyq Sara Sorrıbes-Tormomen kezdesedi. ıÝlııa 1995 jylǵy bolsa, Sara odan bir jasqa kishi.
Bir qyzyǵy, qazaqstandyqtardyń qarsylastarynyń ekeýiniń de esimi Sara eken.
Qazirgi kezde irikteý saıystary ótip jatqan Rabat týrnıri 6 mamyr kúni márege jetip, jeńimpaz anyqtalady.
Eske sala keteıik, osynyń aldynda qazaqstandyq qos tennısshi qatysqan jarystar búgin bitedi. Shtýtgart týrnırinde Z.Dııas irikteý saıystarynan ótip, sodan keıin negizgi jarystyń ekinshi aınalymynda álemniń besinshi raketkasy, latvııalyq Elena Ostapenkoǵa ese jibergen bolatyn.
Búgin Shtýtgartta amerıkalyq Koko Vandevege men chehııalyq Karolına Plıshkova sońǵy básekede chempıondyq ataqqa talasady. Al Ystanbul týrnıriniń ekinshi aınalymynda ıÝ.Pýtıntsevany jeńgen frantsııalyq Polın Parmante odan keıin de sátti óner kórsetip, fınalǵa deıin jetti. Ol slovenııalyq Polona Hertsogpen bas júldeni sarapqa salady.
