Qazaqstandyq tennısshiler Prezıdent kýbogynyń ekinshi aınalymyna shyqty
NUR-SULTAN. QazAqparat - Elordada Prezıdent kýbogy aıasynda erler men áıelder arasynda ATP Challenger jáne ITF World Tennis Tour jarystary ótip jatyr, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Dmıtrıı Popko alǵashqy aınalymda nıderlandylyq Rýbın Stethemdi 6:3, 6:4 esebimen utty.
D.Popkonyń kelesi qarsylasy - túrkııalyq ıAnkı Erel.
Monakolyq Lýkas Katarınany 6:1, 6:1 esebimen oısyrata jeńgen Mıhaıl Kýkýshkın ekinshi aınalymda brazılııalyq Gabrıel Dekampspen kezdesedi.
Beıbit Jýkaev japonııalyq Shıntaro Imaıdan basym tústi - 7:6 (7:3), 6:1. Endi ol Izraıl ókili Danıel Tsýkermanmen sheberlik baıqasady.
Denıs Evseev úsh setke sozylǵan kezdesýde reseılik Alıbek Kachmazovty joldan taıdyrdy - 6:3, 3:6, 6:4. D.Evseev shırek fınalǵa shyǵý úshin taǵy bir reseılik Evgenıı Karlovskıımen talasady.
Tımofeı Skatov, Dostanbek Tashbolatov jáne Grıgorıı Lomakın jekeleı synda ekinshi aınalymǵa shyǵa almady.
Áıelder arasynda Gózal Aınıtdınova otandasy Asyljan Arystanbekovadan sheberliginiń basym ekendigin kórsetti - 6:3, 6:4. Endi ol reseılik Anastasııa Zolotarevany synap kóredi.
Eske sala keteıik, budan buryn ıAroslava Shvedovanyń komandalyq jarysta reıtıngtiń sheshýshi ról atqarmaıtyny týraly aıtqanyn jazǵan bolatynbyz.
