Qazaqstandyq tennısshiler Portýgalııadaǵy týrnırdi sátti bastady
NUR-SULTAN. QazAqparat – Qazaqstandyq tennısshiler Denıs Evseev pen Tımofeı Skatov Oeırash (Portýgalııa) chellendjer týrnırin sátti bastady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, D.Evseev bastapqy kezdesýin horvatııalyq Nıno Serdarýshıchpen ótkizdi.
Qazaqstandyq tennısshi 1 saǵat 40 mınýtqa sozylǵan matchta 6:4, 7:5 esebimen jeńiske jetti. D.Evseev 10 breık-poınttyń altaýyn paıdalana bildi. Ol kelesi aınalymda portýgalııalyq Nýno Borgespen kezdesedi.
T.Skatov alǵashqy aınadymda Nıderlandy ókili Igor Sııslıngti 2:6, 6:2, 7:6 (7:4) esebimen utty. Tartysty báseke 2 saǵat 14 mınýtqa sozyldy. T.Skatov 8 breık-poınttyń teń jartysyn óz paıdasyna jazdy. Ol shırek fınalǵa shyǵý úshin taǵy bir portýgalııalyq Gonsalý Olıveıramen sheberlik baıqasady.
Eske sala keteıik, budan buryn qazaqstandyq tennısshiniń Rolan Garros týrnıriniń irikteý saıysyn sátti bastaǵanyn jazǵan bolatynbyz.
