Qazaqstandyq tennısshiler Óskemen jarysyn sátti ótkizip jatyr
Qazaqstan tennıs federatsııasynan málim etkenindeı, Jibek Qulambaeva jekeleı synda óziniń alǵashqy kezdesýinde reseılik Darıa Zelınskaıany 6:1, 6:4 esebimen tize búktirdi.
Marııa Sınıtsyna taǵy bir reseılik Marııa Tkachevaǵa 2:6, 0:6 esebimen jol bergenimen, Óskemen tennıs mektebiniń túlegi, 14 jastaǵy Málıka Ámirǵalıeva óz jankúıerlerin qýanta aldy. Buǵan deıin ol jekeleı synda negizgi týrnırge ótken edi. Búgin juptyq synda qyrǵyzstandyq, 16 jastaǵy Vladıslava Andreevskaıamen birge saǵat jarym ýaqyt ishinde tájirıbeli, ızraıldik Sapır Koen – reseılik Edda Mamedovany 7:5, 7:5 esebimen jeńip, shırek fınalǵa joldama aldy.
Taǵy bir qazaqstandyq Gózal Aınıtdınova reseılik Anna Kýbarevamen birge shırek fınalǵa ótti. Olar grýzııalyq Zozıa Kardava – reseılik Arına Solomatınadan aılasyn asyrdy – 7:5, 6:2.
Eske sala keteıik, budan buryn Óskemende 14 jastaǵy qazaqstandyq tennısshiniń negizgi týrnırge ótkenin, Elena Rybakınanyń Toronto jarysyn jeńispen bastaǵanyn jazǵan bolatynbyz.
Sondaı-aq, ıÝlııa Pýtıntseva Toronto týrnıriniń ekinshi aınalymyna shyqty.
Foto: ktf.kz