Qazaqstandyq tennısshiler Olımpıadanyń taǵy bir joldamasyna ıe boldy
NUR-SULTAN. QazAqparat – Qazaqstandyq tennısshiler Olımpıadanyń taǵy bir joldamasyna ıe boldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Elena Rybakına men ıAroslava Shvedova Tokıoda juptyq synda óner kórsetetin boldy.
Osylaısha qazaqstandyq tennısshiler jeti lıtsenzııany ıelenip otyr. Bul Qazaqstan tennısi úshin rekordtyq kórsetkish bolyp tabylady. Buǵan deıin Olımpıadalarda tennısshiler enshisinde eń kóbi tórt joldama bolǵan edi.
Tokıoda Aleksandr Býblık, Mıhaıl Kýkýshkın, Elena Rybakına, ıÝlııa Pýtıntseva jáne ıAroslava Shvedova jekeleı synda dodaǵa túspek. Al juptyq synda A.Býblık pen Andreı Golýbev, E.Rybakına men ıA.Shvedova el namysyn qorǵaıdy.
Olımpıadalyq tennıs týrnıri 24 shilde – 1 tamyz aralyǵynda ótedi.
Eske sala keteıik, budan buryn Qazaqstannan taǵy eki tennısshiniń Tokıo Olımpıadasyna joldama alǵanyn, E.Rybakınanyń Ýımbldon týrnırin jeńispen bastaǵanyn jazǵan bolatynbyz.
