Qazaqstandyq tennısshiler Olımpıada oıyndaryna qatysa almaıdy
ASTANA. QazAqparat - Qazaqstandyq tennısshiler Jasóspirimder Olımpıadasynyń joldamasynan qaǵyldy, dep habarlaıdy QazAqparat tilshisi.
Bul týraly QR UOK-niń baspasóz qyzmeti resmı túrde málim etti. Atalǵan habarlamada «Tynyq muhıtyndaǵy Rarotonga aralynda ústel tennısinen Jasóspirimder Olımpıadasyna eń sońǵy irikteý týrnıri aıaqtaldy. Ókinishke qaraı, qazaqstandyq jas sportshylar úshin Olımpıadanyń esigi jabyq» delingen.
Birinshi muhıtaralyq týrnır Afrıkadaǵy Týnıste ótti. Azııadaǵy lıtsenzııalyq týrnır Úndistanda, keıin Latyn Amerıkasynda, Eýropada, Okeanııa men Soltústik Amerıkada ótti. Nátıjesinde jeńimpazdar anyqtaldy.
32 bozbala men 32 boıjetken Olımpıada kezindegi jekeleı saıystar men aralas komandalyq týrnırlerde óner kórsetetin bolady. Sońǵysy úsh nusqamen berilgen. Jigit pen qyz bir UOK-nen bolady, ekinshi nusqasy - ártúrli UOK-nen iriktelgen bozbala men boıjetken bolady, alaıda olar bir muhıttan jáne muhıttyq komanda bolyp esepteledi. Úshinshi nusqasy - ekstremaldy - ár túrli UOK-ten iriktelgen jigit pen qyz. Olar san túrli muhıttardan kelgen jáne komandalarynyń ataýlary da muhıtaralyq bolmaq.
Ókinishke qaraı, qazaqstandyq Aıdos Kenjeǵulov (Oral) pen Záýresh Aqasheva (Qaraǵandy) Býenos-Aıres joldamasynan úmit úzdi. Olar Rarotonga aralynda eki kún ishinde eki jeńilis taýyp, lıtsenzııaǵa talasý quqyǵynan aıyryldy.
Eske salaıyq, tórt jyl buryn Nankındegi (Qytaı) ІІ jazǵy jasóspirimder Olımpıadasynda ústel tennısinen Qazaqstan namysyn Kırıll Gerasımenko (Astana) men ıÝlııa Rıabova (Qaraǵandy) qorǵady.
