Qazaqstandyq tennısshiler Mysyrdaǵy týrnırdiń fınalyna ótti
ASTANA. QazAqparat - Qazaqstandyqtar Arýjan Saǵyndyqova men Janel Rústemova juptyq synda Mysyrdyń Sharm-el-Sheıh qalasynda ótip jatqan ITF W15 týrnıriniń fınalyna shyqty, dep habarlaıdy QazAqparat tilshisi.
Qazaqstandyq jup jartylaı fınalda jarystyń ekinshi raketkalary, ulybrıtanııalyq Alıshe Reaıer - ekvadorlyq Kamılla Romeromen sheberlik baıqasty.
Qazaqstandyqtar 6:4, 6:4 esebimen basym tústi.
Olardyń fınaldaǵy qarsylastary keıin anyqtalady.
Bul 18 jastaǵy J.Rústemova úshin eresekter arasyndaǵy ekinshi fınaly bolmaq. Al 17 jasar A.Saǵyndyqova osyndaı fınalda eki ret oınap, bireýinde alǵashqy tıtýlyna qol jetkizdi.
Eske sala keteıik, budan buryn qazaqstandyq tennısshilerdiń Mysyrdaǵy jarystyń jartylaı fınalyna shyqqanyn jazǵan bolatynbyz.
Sondaı-aq Jibek Qulambaeva Azııa oıyndarynda baq synaǵysy keletinin aıtty.
Foto: ktf.kz
