Qazaqstandyq tennısshiler Mysyrdaǵy týrnırde ózara kezdesti
ASTANA. QazAqparat – Qazaqstandyqtar Janel Rústemova men Arýjan Saǵyndyqova Mysyrdyń Sharı-el-Sheıh qalasynda ótip jatqan ITF týrnıriniń alǵashqy aınalymynda ózara kezdesti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, 18 jastaǵy Janel negizgi dodaǵa irikteý saıystarynan keıin joldama aldy.
Júlde qory 15 myń AQSh dollaryna baǵalanǵan jarysta J.Rústemova 17 jasar komandalas qurbysy A.Saǵyndyqovany 6:3, 6:2 esebimen utty.
Janel shırek fınalǵa shyǵý úshin týrnırdiń 7-raketkasy, frantsııalyq Naıııa Berekoecheamen talasady.
Osy jarysta J.Rústemova men A.Saǵyndyqova juptyq synda shırek fınalǵa shyqty. Olar reseılikter Elızaveta Mashna – Elızaveta Morozovamen jartylaı fınal joldamasyn sarapqa salady.
Eske sala keteıik, budan buryn qazaqstandyq tennısshilerdiń halyqaralyq týrnırlerdiń fınalısi atanǵanyn jazǵan bolatynbyz.
