Qazaqstandyq tennısshiler Marokkodaǵy jarystyń shırek fınalyna shyqty
NUR-SULTAN. QazAqparat – Qazaqstandyq tennısshiler Andreı Golýbev pen Aleksandr Nedovesov juptyq synda Marrakesh (Marokko) ATP 250 jarysynyń shırek fınalyna shyqty, dep habarlaıdy QazAqparat tilshisi.
Týrnırdiń 1-raketkalary bolyp tirkelgen A.Golýbev frantsııalyq Fabrıs Martenmen birge bastapqy kezdesýin nıderlandylyqtar Tallon Grıkspýr – Botık Van de Zandshýlppen ótkizdi.
Tartysty ótken matchta birinshi partııada nıderlandylyq jup taı-breıkte sátti oınady – 7:6 (8:6).
Ekinshisinde A.Golýbev pen F.Marten ese qaıyrdy – 7:6 (7:2). Sosyn sýper taı-breıkte jeńisti julyp aldy – 10:6.
Eki saǵatqa jýyq ýaqytqa sozylǵan báseke barysynda qazaqstandyq-frantsııalyq jup 2 eıs jasap, 3 breık-poınttyń bireýin paıdalandy. Qarsylastary 3 eıs, 1 breıkpen (2 breık-poınt) kózge tústi.
A.Nedovesov pákstandyq Aısam Kýreshımen birge dodanyń 2-raketkalary, belgııalyqtar Sander Jılle – Ioran Flıgendi bir saǵattan sál astam ýaqytta 6:3, 6:4 esebimen tize búktirdi.
A.Nedovesov pen A.Kýreshı 4 eıspen birge 3 breık-poınttyń ekeýin óz esebine jazdy. Belgııalyq jup 4 eıspen shekteldi.
Qazaqstandyqtardyń shırek fınaldaǵy qarsylastary keıin anyqtalady.
Eske sala keteıik, budan buryn ıÝlııa Pýtıntsevanyń Charlston týrnıriniń ekinshi aınalymyna shyqqanyn, Qazaqstan jasóspirimder quramasynyń Aýstralııamen oınaıtynyn jazǵan bolatynbyz.
