Qazaqstandyq tennısshiler Marokkodaǵy týrnırdiń fınalyna shyǵa almady
NUR-SULTAN. QazAqparat - Qazaqstandyq tennısshiler Aleksandr Nedovesov pen Andreı Golýbev juptyq synda Marrakesh (Marokko) ATP 250 týrnıriniń fınalyna shyǵa almady, dep habarlaıdy QazAqparat tilshisi.
A.Nedovesov pákistandyq Aısam Kýreshımen birge jartylaı fınalda brazılııalyq Rafael Matos - ıspanııalyq Davıd Vega-Ernandespen kezdesti.
Eki saǵatqa jýyq ýaqytqa sozylǵan matchta brazılııalyq-ıspanııalyq jup 7:5, 7:6 (8:6) esebimen jeńiske jetti.
Jarystyń birinshi raketkalary bolyp tirkelgen A.Golýbev pen frantsııalyq Fabrıs Martenmen birge ıtalııalyq Andrea Vavassorı - polıak ıAn Zelınskımen sheberlik baıqasty.
Birinshi partııada qazaqstandyq-frantsııalyq jup taı-breıkte basymdyq kórsetti - 7:6 (7:4).
Ekinshisinde qarsylastary ese qaıyrdy - 7:6 (7:5). Sosyn sýper taı-breıkte jeńisti julyp aldy - 11:9.
Tartysty ótken báseke 2 saǵat 8 mınýtqa sozyldy.
Osylaısha qos qazaqstandyq tennısshi fınaldan tys qaldy.
Eske sala keteıik, budan buryn Anna Danılınanyń Charlston týrnırin jeńispen bastaǵanyn jazǵan bolatynbyz.
