Qazaqstandyq tennısshiler iri jarystarda baq synaıdy
NUR-SULTAN. QazAqparat – Qazaqstandyq tennısshiler osy aptada iri jarystarda baq synaıdy, dep habarlaıdy QazAqparat tilshisi.
Qazaqstan tennıs federatsııasynan málim etkendeı, elimizdiń birinshi raketkasy Elena Rybakına men dúnıejúzilik reıtıngte 33-orynda turǵan ıÝlııa Pýtıntseva Istborn (Ulybrıtanııa) WTA 500 týrnırin ekinshi aınalymnan bastaıdy.
Anna Danılına juptyq synda brazılııalyq Beatrıs Haddad Maııamen birge alǵashqy aınalymda serbııalyq Aleksandra Krýnıch – Polsha ókili Magda Lınetpen kezdesedi.
Zarına Dııas jaraqatyna baılanysty Ýımbldondy qosa alǵanda, kógaldaǵy tósenishte ótetin dodalardan tys qalyp otyr.
Qazaqstannyń erler arasyndaǵy birinshi raketkasy Aleksandr Býblık Istborn ATP 250 jarysynda bastapqy matchyn amerıkalyq Frensıs Tıafomen ótkizedi.
Aleksandr Nedovesov juptyq synda pákstandyq Aısam Kýreshımen birge ulybrıtanııalyqtar Djýlıan Kesh – Genrı Pattenmen sheberlik baıqasady
Andreı Golýbev Malorka (Ispanııa) ATP 250 dodasynda argentınalyq Maksımo Gonsalespen birge alǵashqy aınalymda polıak Hýbert Gýrkach – amerıkalyq Sebastıan Kordadan ótýge tyrysady.
Mıhaıl Kýkýshkın Ýımbldon týrnıriniń irikteý saıysynda ıtalııalyq Lorentso Djýstınomen oınaıdy.
Taǵy birneshe qazaqstandyq tennısshi túrli týrnırlerde óner kórsetedi.
Eske sala keteıik, budan buryn Anna Danılınanyń Ispanııadaǵy jarystyń jeńimpazy atanǵanyn jazǵan bolatynbyz.
