Qazaqstandyq tennısshiler Horvatııadaǵy týrnırdiń shırek fınalyna shyqty
NUR-SULTAN. QazAqparat – Qazaqstandyqtar Aleksandr Nedovesov pen Andreı Golýbev juptyq synda Horvatııadaǵy Splıt 2 chellendjer týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq jup budan bir apta buryn Splıttegi osyndaı birinshi jarysta jeńimpaz atanǵan bolatyn.
Bul joly dodanyń 2-raketkalary bolyp tirkelgen A.Nedovesov pen A.Golýbev bastapqy kezdesýin kort ıeleri Borna Goıo – Nıno Serdarýshıchpen ótkizdi.
Birinshi partııada taı-breıkte horvatııalyq juptyń joly boldy – 7:6 (8:6).
Ekinshi sette qazaqstandyqtar ábjildik tanytty – 7:6 (7:4).
Sheshýshi taı-breıkte A.Nedovesov pen A.Golýbev jeńisti julyp aldy – 10:7.
Tartysty báseke 2 saǵat 9 mınýtqa sozyldy.
Qazaqstandyq jup jartylaı fınalǵa shyǵý úshin chehııalyqtar Zdenek Kolar – Lýkash Rosolmen talasady. Nedovesov pen Golýbev Splıttegi birinshi týrnırdiń jartylaı fınalynda chehııalyq jupty tartysty kezdesýde jeńgen bolatyn.
Eske sala keteıik, budan buryn A.Býblıktiń Monte-Karlo masters týrnırinde jeńilip qalǵanyn jazǵan bolatynbyz.
