Qazaqstandyq tennısshiler Horvatııadaǵy týrnırdiń fınalyna shyqty
NUR-SULTAN. QazAqparat - Qazaqstandyqtar Aleksandr Nedovesov pen Andreı Golýbev juptyq synda Zagreb (Horvatııa) chellendjer týrnıriniń fınalyna shyqty, dep habarlaıdy QazAqparat tilshisi.
Osy jarystyń birinshi raketkalary bolyp tirkelgen Nedovesov pen Golýbev shırek fınalda taǵy bir qazaqstandyq Dmıtrıı Popko - chılılik Alehandro Tabılomen kezdesýi kerek edi.
Áıtse de qarsylastary oıynǵa kelmeı qaldy da, qazaqstandyqtar jartylaı fınalǵa ótti.
Jartylaı fınalda Polsha ókilderi Shımon Valkov - ıAn Zelınskımen sheberlik baıqasty.
Qazaqstandyq jup 7:6 (7:5), 6:4 esebimen jeńiske jetti.
Báseke saǵat jarymǵa sozyldy.
A.Nedovesov pen A.Golýbev fınalda amerıkalyqtar Evan Kıng - Hýnter Rıs nemese monakolyq Romen Arneodo - frantsııalyq Albano Olıvettı juptarynyń qaı jeńgenimen bas júldeni sarapqa salady.
Taǵy bir qazaqstandyq Tımofeı Skatov Túrkııadaǵy Antalııa ITF jarysynyń shırek fınalynda aýstrııalyq Aleksandr Erlerge 6:4, 2:6, 1:6 esebimen ese jiberdi.
Eske sala keteıik, budan buryn Tımofeı Skatovtyń Túrkııadaǵy týrnırdiń shırek fınalyna shyqqanyn jazǵan bolatynbyz.
